Лече го потврди доаѓањето на Франческо Камарда, 17-годишниот талент на Милан и италијанската репрезентација, кој веќе пристигна во градот и е подготвен да ги помине медицинските прегледи пред летниот трансфер.
Во младинските категории на Милан, Камарда има впечатлива статистика од 485 голови во само 89 натпревари, што го вбројува меѓу најголемите млади таленти на Стариот континент.
Младиот напаѓач ќе се приклучи на клубот како позајмен играч со опција за откуп, но и со контра-клаузула во корист на Милан, што му овозможува на клубот од „Сан Сиро“ да го врати доколку тој се развива според очекувањата.
Медицинските тестови се закажани за понеделник, кога започнуваат и претсезонските подготовки на Лече.
Камарда е веќе запишан во историјата како најмладиот дебитант во Серија А, а Милан се надева дека преку оваа позајмица тој ќе добие значајна минутажа во првиот тим и ќе продолжи да се развива со редовен прволигашки фудбал.
И покрај интересот од други клубови во Италија, Лече победи во трката благодарение на гаранцијата дека Камарда ќе добие вистинска шанса во првиот тим.
