Интер и официјално е нов шампион на Италија, откако Аталанта не успеа да победи на гостувањето против Сасуоло. Тимот од Бергамо ремизираше 1-1, а Интер има недостижни 13 бода предност на четири кола до крајот на шампионатот во Серија А.
Наполи киксна против Калјари играјќи само 1-1. Тоа е голем чекор назад во трката за пласман во Лигата на шампионите. Елиф Елмас ги одигра последните десетина минути од овој меч. Наполи поведе со голот на Виктор Осимен во 13.минута, а израмни Нахитан Нандез во 94.минута.
Болоња и Фиорентина ремизираа 3-3.
