Италијанските калчолигаши Интер и Јувентус се сериозно заинтересирани за фудбалерот за врска на Барселона, Рики Пуиг. Тој е во втор план по доаѓањето на Роналд Куман за нов стратег, но минатата сезона беше еден од најдобрите играчи на каталонскиот гигант и се отвора можност за негова преселба во Серија А.
Јувентус е заинтересиран за размена со Барселона и би го понудил Федерико Бернардески, можеби и Родриго Бентанкур.
Интер е подготвен да го доведе Рики Пуиг на едногодишна позајмица со опција за комплетно откупување на договорот доколку за тоа се сложни сите заинтересирани страни. Во игра за размена би можел да биде стоперот Алесандро Бастони.
