Интер денеска игра против Верона, по триумфот против најголемиот ривал Јувентус во Торино, работите функционираат многу подобро за тимот на Инзаги, а одбраната на „скудетото“ е многу пореална.
Стратегот Симоне Инзаги денеска ќе го нема на располагање Лаутаро Мартинез, ќе биде заменет со Кореа, а медиумите на Апенините најавуваат дека Интер веќе преговара за нови засилувања кои би пристигнале во летниот преоден рок.
Во случај Лаутаро Мартинез да биде продаден, „нероаѕурите“ би се обиделе да го вратат Ромелу Лукаку, а шлаг на тортата треба да биде Пауло Дибала, со кого преговара Бепе Марота. Тој своевремено од Палермо го доведе во Јувентус.
Се чека и засилување во одбраната, Бразилецот Бремер од Торино наводно е најблиску до Интер и се верува одлично би се вклопил со формацијата со тројца одбранбени играчи која ја преферира Инзаги.
