Германскиот бундеслигаш Херта му даде отказ на тренерот Пал Дардаи по низата слаби резултати во шампионатот. До разделбата дојде откако Херта не успеа на домашен терен да го совлада и Аугсбург (1-1).
Херта нема победа на последните четири меча и падна на 14. место на табелата.
На местото на Пал Дардаи доаѓа новиот тренер Тајфун Коркут. Тој потпиша договор до крајот на сезоната.
„Му благодариме на Пал Дардаи, кој пристигна во клубот со желба да го стабилизира тимот. Но, резултатите не беа според очекувањата. Со доаѓањето на Тајфун Коркут сакаме да внесеме дополнителен импулс и веруваме дека ќе успее да ја спроведе својата фудбалска филозофија“, изјави спортскиот директор на Херта, Фреди Бобич.
