
Поранешниот менаџер на Тотенхем, Хари Реднап, даде многу контроверзна изјава, нарекувајќи го новиот селектор на Англија, Томас Тухел, „германски шпион“ и додавајќи дека тој бил испратен во Англија „за да ги уништи“.
Одлуката за назначување на поранешниот тренер на Челси беше пречекана со поделени реакции на Островот, главно поради неговата националност и долгогодишното ривалство меѓу Англија и Германија.
Тухел, сепак, го имаше својот успешен дебитантски настап како селектор на „Трите лавови“ изминативе денови, забележувајќи две победи – против Албанија со 2-0 и против Латвија со 3-0.
„Ми се допаѓаше Герет Саутгејт, навистина ми се допаѓаше, но моравме да освоиме нешто. Ако треба да бидам искрен, мислам дека Тухел е германски шпион. Ви велам. Сериозно, испратен е за да нè уништи. Тој е како Лорд Хоу-Хоу во времето на војната.“
(Лорд Хоу-Хоу е прекар за Вилијам Џојс, кој емитувал нацистичка пропаганда во Велика Британија за време на Втората светска војна.)
„Испратен е со задача: ‘Оди и уништи го тој тим’“, додаде Реднап.

-
МАКФУДБАЛ ТИМ НА КОЛОТО ВО ПРВАТА ЛИГА
Силекс и Струга Трим Лум имаат „пет од пет“, но Арсими е најубавата приказна...
Автор makfudbal
-
МАКФУДБАЛ ИГРАЧ на колото: Басиру Компаоре (Струга ТЛ)
Струга ТЛ игра одлично на стартот на сезоната, а вистинска машина за голови е...
Автор makfudbal

Интернационалци
Стефан Ашковски го засили Раднички Ниш

Интернационалци
Бобан Николов се врати во Романија, потпиша за Фарул Констанца
