Манчестер сити со два триумфи над Борусија Дортмунд се пласира во полуфиналето на Лигата на шампионите каде ќе се сретне со Пари Сен Жермен. Пеп Гвардиола е среќен по успехот и вели дека тимот почнува да испишува европска историја за клубот.
„Неверојатно сум среќен за клубот, за раководството, за навивачите – за сите. Клубот стигна до полуфиналето во ЛШ само по вторпат во историјата, така што нема посебна приказна во оваа фаза, но ние почнуваме да ја пишуваме. Одигравме одлично, освен во првите десет минути, кога противниците беа добри. Многу сум среќен што се пласиравме во полуфиналето, што сме меѓу најдобрите четири екипи во Европа. Ќе се обидеме да играме добро против големи, силни клубови. Таков е Пари Сен Жермен“, изјави Гвардиола.
