Менаџерот на Манчестер Сити, Пеп Гвардиола, нема решение како да го сопре аргентинскиот волшебник Лионел Меси. Тој призна дека не го знае начинот како да го неутрализира најдобриот светски фудбалер кој од оваа сезона го носи дресот на ПСЖ.
„Како да го сопреме Меси? Не знам. Тоа е многу тешко. Не можам да им кажам на моите играчи како да го спречат, бидејќи е многу непредвидлив. Драго ми е што продолжува да игра на тој начин. Ќе ми биде чест повторно да се соочиме еден со друг“, изјави Пеп Гвардиола на прес-конференцијата пред утрешниот натпревар со ПСЖ.
Манчестер Сити по четири кола се наоѓа на врвот на табелата во групата А со девет бода, а ПСЖ има бод помалку.
