Фудбалската репрезентација на Ерменија ја совлада Грузија во Тбилиси со 1-2 и ја чека Македонија на завршен двобој на Кипар во битка за првото место во Групата Ц од Лигата на нации. Македонија е лидер со девет бода, а Ерменија има бод помалку на втората позиција. Тоа значи дека на Македонија и одговара и реми во Никозија в среда за да ја оствари целта и да ја освои првата позиција.
Геворг Газарјан ја доведе Ерменија во водство во првиот дел, но израмни Валери Газаишвили од пенал во 65.минута. Сепак, Ерменија во финишот стигна до триумф со погодокот на Саргис Адамјан во 86.минута.
Холандија ја совлада БиХ со 3-1 во Лигата А. Џорџинио Вајналдум беше двоен стрелец, а во листата на стрелците се запиша и Мемфис Депај.
Бугарија на домашен терен загуби од Финска со 1-2, а Турците беа подобри од Русија (3-2).
