Напаѓачот на Атлетико Мадрид, Антоан Гризман, признава дека Милан беше подобар ривал на синоќешниот дуел на „Ванда Метрополитано“ и дека сосема заслужено победи со 0-1 во натпревар од петтото коло од групата„Д во Лигата на шампионите. Сега шпанскиот првак ќе има многу потешка задача да се избори за место во осминафиналето.
„Милан беше подобар од нас во секој поглед. Работите не функционираа. Резултатот е лош. Останува уште еден натпревар и ќе се бориме до крај“, изјави разочарано Гризман.
Во последното коло на 7 декември, Атлетико Мадрид ќе гостува кај Порто, а Милан на „Сан Сиро“ ќе игра против Ливерпул. Англискиот тим е првопласиран со 15 бода, Порто има 5, а Милан и Атлетико Мадрид по 4 бода.
