Ерлинг Халанд е најголемиот професионалец кој некогаш сум го видел во фудбалот, изјави неговиот соиграч од Манчестер Сити, Џек Грилиш. Англискиот репрезентативец призна дека не може да биде како норвешкиот напаѓач кој соборува рекорд по рекорд оваа сезона.
„Секој е различен, нели? Погледнете го Халанд. Тој е најдобриот професионалец што сум го видел. Неговиот менталитет е нешто што нема да го видите никаде на друго место – тој тренира, се опоравува, работи во теретана, следи диета со железо, прави разни процедури како ледени бањи – по 10 часа секој ден.
Затоа е таков каков што е. Но, се колнам дека не би можел да бидам како него. Ние сме пријатели и често после натпревар ми вели: „Еј, не оди на забава вечерва“. А јас му велам да замолчи и да оди да си седне во ледената бања. Ние сме многу различни и секој постигнува успех на свој начин“, откри Џек Грилиш.
