Фулам сака да го доведе Рахим Стерлинг

Фулам покажува сериозен интерес за крилниот фудбалер на Челси, Рахим Стерлинг. За трансферот да се реализира, 30-годишниот играч ќе треба да се согласи на намалување на својата плата.

Пред неколку дена, Стерлинг бил понуден и на Наполи. Претходно, се споменуваше и негово можно заминување во Баер Леверкузен.

Минатата сезона тој беше на позајмица во Арсенал, каде што одигра 17 натпревари во Премиер – лигата, но не постигна гол, а забележа само две асистенции.