Женската фудбалска репрезентација на Македонија денеска (13 часот) ќе го одигра вториот натпревар од Лигата на нации. На комплексот „Петар Милошевски“ на ФФМ, ривал на фудбалерките им е селекцијата на Косово.
Селекторот Кирил Изов и фудбалерките се надеваат дека ќе стигнат до првиот позитивен резултат, откако на стартот Македонија загуби од Бугарија со 0-1, минатиот месец во Скопје.
Косово и Бугарија одиграа реми без голови, така што евентуален триумф на денешниот меч значително би ја подобрил ситуацијата на Македонија во групата.
