Се поблиску е почетокот на натпреварот меѓу Полска и Македонија (20.45 часот), а нашите фудбалери времето по ручекот го искористија за кратка прошетка низ Варшава.
Навистина има што да се види, а атмосферата во главниот град на Полска се повеќе се вжештува како што се приближува почетокот на натпреварот. Фудбалерите се свесни, противникот е фаворит, но тоа придонесува македонските репрезентативци да одиграат без притисок, за да го изненадат лидерот во групата.
Едно е јасно, оваа генерација на македонскиот национален тим научи да игра без страв против секого, што е основен предуслов за успех.
