Јувентус дејствуваше брзо за да ја пополни празнината што ја остави заминувањето на Игор Тудор и постигна начелен договор со Лучијано Спалети.
Според италијанските медиуми, искусниот стратег ќе го преземе кормилото на тимот, враќајќи се на клупата по своето заминување од селекторската функција во италијанската репрезентација.
Договорот предвидува соработка до јуни 2026 година, со можност за продолжување на уште една сезона. Активирањето на оваа опција ќе зависи од тоа дали Јувентус ќе избори пласман во Лигата на шампионите во следната натпреварувачка сезона.
Според најновите информации, Спалети ја добил „трката“ за наследник на Тудор, оставајќи зад себе други кандидати како Роберто Манчини и Рафаеле Паладино.
