Фудбалската репрезентација на Македонија пристигна на аеродромот и за околу половина час со чартер лет ќе се упати кон Тбилиси, каде утре, со почеток во 18 часот, го игра историскиот финален натпревар за пласман на Европското првенство. Во последен миг се појавија многу проблеми, повредата на ’рбетот на Енис Барди, позитивните тестови на коронавирус за Кире Ристевски и за Крсте Велкоски.
Но, и покрај тоа, атмосферата е оптимистичка, фудбалерите и стручниот штаб веруваат во своите квалитети и подготвени се да го дадат максимумот за да се успее во најголемата битка. Само еден чекор ја дели Македонија од пласман на Европско првенство.
