ФСС казни два клуба за „местење“ по притисокот од УЕФА

УЕФА пред неколку дена изврши притисок на Фудбалскиот сојуз на Србија поради сомнежи за местење на натпревари во Суперлигата, а дојде и експресна реакција од Сојузот. Казнети се два клуба, Јагодина и Борац, парично и со одземање на бодови.

На Јагодина и на Борац им се одземени по шест бода, а ќе треба да платат и вкупно 85.000 евра. Јагодина ќе плати 45.000 евра, а Борац – 40.000 евра.

Натпреварите кои се сомнителни се Трајал – Јагодина и Железничар – Борац.