Италијанскиот калчолигаш Рома донесе одлука и дефинитивно да се раздели со тренерот Пауло Фонсека на крајот од сезоната. Со официјално соопштение потпишано од претседателот Ден Фриндкин, Рома му се заблагодари на стратегот за двегодишната соработка.
„Паоло го водеше тимот низ неколку предизвици вклучувајќи ја и глобалната пандемија на коронавирусот и промената на сопственоста, а со тоа се избори одлично. Му посакуваме се најдобро во следните предизвици и свесни сме дека секаде ќе ја покаже својата вредност“, се вели во соопштението на Рома.
Пауло Фонсека дојде во Рома од Шахтјор Доњецк во 2019 година.
