Тимот на Флуминенсе приреди првото големо изненадување во осминафиналето на Светското клупско првенство, совладувајќи го Интер со 2-0 и така обезбеди пласман во следната рунда, елиминирајќи го финалистот од Лигата на шампионите.
Тренерот на Интер, Кристијан Киву, направи две измени во однос на победата против Ривер Плата, Стефан де Фрај се врати во одбраната на местото на Ачерби, а во нападот Маркус Турам, кој се опорави од повреда, го замени Франческо Пио Еспозито.
Од друга страна, и Ренато Гаучо направи две промени во составот – Тијаго Силва и Факундо Бернал влегоа на местото на Херкулес и Канобио.
Веќе во третата минута, Јон Ариас ја искористи грешката на Де Фрај и по рикошет од Бастони, топката стигна до Кано, кој со глава ја смести во мрежата на Јан Зомер.
Интер се обиде да се врати преку Турам и Димарко, но искусниот 44-годишен голман Фабио беше сигурен.
Во 39. минута, Игнасио постигна гол, но истиот беше поништен поради офсајд.
Во текот на полувремето беа доделени повеќе жолти картони – Аслани, Рене, Бастони, а тренерот Гаучо исто така доби опомена по конфликт со Мхитарјан.
Интер напаѓаше, но шанси промашуваа Кано, Ариас, Де Фрај, Себастиано Еспозито и Лаутаро Мартинес, кој имаше три големи можности – последната заврши со удар во гредата.
Во 67. минута, Барела побара пенал за игра со рака на Тијаго Силва, но судијата не покажа на белата точка.
Во финишот, Флуминенсе постигна втор гол преку Херкулес и го докрајчи ривалот. Бразилскиот тим одигра тактички зрело и храбро, искористувајќи ја секоја слабост на фаворизираниот Интер.
