Еквадорскиот репрезентативец Первис Еступињан официјално е нов член на Милан, со што ќе биде директен наследник на Тео Хернандез на левата бековска позиција.
26-годишниот дефанзивец пристигнува од англискиот премиерлигаш Брајтон, а „росонерите“ за трансферот ќе издвојат 17 милиони евра, со дополнителни 2 милиони како бонуси.
Еступињан потпиша договор до 2030 година и ќе го носи дресот со број „2“.
Со ова, Еступињан влезе во историјата како првиот фудбалер од Еквадор кој ќе настапува за Милан. Во својата досегашна кариера има настапувано за клубови како Вилјареал, Вотфорд, Осасуна и Алмерија, а последните три сезони ги мина во дресот на Брајтон, за кој одигра 84 натпревари.
