Македонскиот интернационалец Енур Тотре замина од Ворскла и кариерата ја продолжува во турскиот второлигаш Сакаријаспор. Клубот објави дека е постигнат двегодишен договор и играчот за врска се приклучува на тимот кој во моментот се наоѓа на 15. позиција во Втората лига на Турција.
Тотре минатата сезона ја одигра на позајмица во Шкендија. Играше и за Тирана, од каде направи трансфер во украинскиот клуб Ворскла. Следниот чекор во неговата кариера е Сакаријаспор.
