Наполи има огромна предност на врвот на табелата во Серија А и сигурно чекори кон шампионската титула, а македонскиот репрезентативец Елиф Елмас вели дека најголем адут на тимот е тренерот Лучијано Спалети.
„Спалети е голем тренер, вистинско задоволство е да се работи со него. Мислам дека тој е најважниот човек во клубот, без него не би го направиле сето ова. Имаме прекрасна сезона, тој не научи да мислиме и да работиме за тимот. Се разбира, среќен сум што давам голем придонес за Наполи, среќен сум и за секој постигнат гол. Има уште мнгу натпревари, можеби ќе дојдам и до двоцифрен ефект оваа сезона“, изјави Елиф Елмас.
Наполи има огромни 18 бода предност на врвот, а до крајот на првенството во Серија А остануваат уште 14 натпревари.
