Фудбалерите на Пари Сен Жермен го совладаа Сент Етјен на домашен терен со 2-1, со што направија уште еден чекор кон освојувањето на 13. шампионска титула.
ПСЖ сега е лидер со 43 бодови, седум повеќе од Олимпик Марсеј и дури 12 од Монако.
Осман Дембеле беше двоен стрелец за ПСЖ на овој дуел.
Во 13. минута, Дембеле направи одличен продор по десната страна, влезе во казнениот простор, се намести на левата нога и со силен удар од 15 метри ја затресе мрежата за 1-0.
Во 33. минута, ПСЖ доби пенал, а Дембеле успешно реализираше од белата точка за 2-0.
Давиташвили во 64.минута одлично изведе слободен удар и го совлада Донарума за 2-1. Иако резултатот донесе одредена неизвесност, победата на ПСЖ не беше загрозена.
