Дефанзивецот Матијс де Лихт и голманот Барт Вербруген повторно се приклучија на тренинзите на Холандија откако беа принудени да го напуштат кампот минатиот четврток поради вирусна инфекција, соопшти фудбалската федерација на земјата.
Тие го пропуштија поразот од 4-0 против Франција во нивниот прв квалификациски натпревар од групата Б за ЕП 2024, но се враќаат за следниот квалификациски натпревар против Гибралтар во Ротердам во понеделник.
Де Лихт и Вебруген беа меѓу петтемина играчи кои беа испратени дома откако вирусот навлезе во тимот пред патувањето во Париз.
Засега нема информации за состојбата на дефанзивецот Свен Ботман, напаѓачот Коди Гакпо и играчот од средниот ред Џои Ферман, кој исто така има симптоми слични на грип.
Но, „лалињата“ загуби уште двајца играчи, Лутшарел Гертруда, кој дебитираше против Франција, е повреден, а централниот дефанзивец Стефан де Фреј се врати во Италија, бидејќи неговата девојка треба да се породи.
