УЕФА се обиде да им донесе на навивачите малку поатрактивен и поконкурентен фудбал со новото натпреварување во Лигата на нации, а воедно и поголем профит за себе.
Сепак, играчите не се толку воодушевени од оваа идеја, а еден од нив е Кевин Де Бруин.
По напорната сезона со Манчестер Сити, Белгиецот како и многу врвни играчи ќе мора да игра репрезентативни натпревари кои не се толку важни како континенталните натпреварувања или Светското првенство.
„Лигата на нациите е неважна во моите очи. Тоа се само извикани пријателски натпревари по долга и тешка сезона. Не е дека едвај чекам“, беше искрен Де Бруин.
Белгија ќе игра против Холандија, Полска и против Велс.
