Дефанзивецот на Реал Мадрид, Дaвид Алаба, повторно се соочи со повреда. Австрискиот репрезентативец ќе ги пропушти сите натпревари до крајот на Светското клупско првенство, откако му беше дијагностицирана мускулна повреда во стапалото на левата нога.
Според информациите од шпанските медиуми, повредата ќе го оддалечи од терените околу еден месец.
Алаба сè уште нема настапено на турнирот во САД, бидејќи претходно се опоравуваше од сериозна повреда – скинат менискус. Иако не е подготвен за игра, тој ќе остане со тимот за да биде под постојан надзор на медицинскиот тим на клубот.
