Арсенал заврши важна работа со потписот на Габриел Хесус од Манчестер Сити, но и ја загуби трката за ангажирање на уште еден Бразилец. Според медиумите на Островот, Челси е во предност во преговорите околу ангажманот на Рафиња од Лидс Јунајтед.
„Топчиите“ долго преговараа за крилниот напаѓач, но не успеаја да се договорат со клубот од Јоркшир.
Челси успеал да постигне договор и треба да плати отштета од 64 милиони евра.
Бразилецот пристигна во Лидс Јунајтед пред две години за 18 милиони евра и минатата сезона постигна 11 голови на 36 натпревари.
