Челси не мирува дури ни додека успешно се натпреварува на Светското клупско првенство. Клубот паралелно работи на засилувања за следната сезона во Премиер – лигата. Според реномирани извори, „сините“ постигнале целосен договор со Брајтон за ангажман на бразилскиот напаѓач Жоао Педро.
23-годишниот напаѓач ќе потпише долгорочен договор на седум години, а трансферот ќе чини 60 милиони евра. Медицинските прегледи се веќе закажани, а Педро наскоро треба да им се приклучи на своите нови соиграчи, најпрво на Светското клупско првенство.
Покрај Челси, интерес за Педро покажале и други клубови, но тој јасно изразил желба да игра на „Стемфорд Бриџ“. Се очекува да формира напаѓачки тандем со Лијам Делап во нападот на Челси следната сезона.
Ова е само едно од неколкуте засилувања ова лето. Клубот претходно ги ангажираше Дарио Есуга, Мамаду Сара, Естеван Вилијан и Кендри Паез, продолжувајќи ја стратегијата за градење тим базиран на млади и талентирани играчи.
