Барселона не успеа да ја победи Бенфика на „Камп Ноу“ и крајно ги искомпликува работите пред последното коло во групата. Сега каталонскиот тим ќе мора да оди на победа против Баерн во Минхен, затоа што има само два бода предност пред Бенфика која на домашен терен ќе го пречека последнопласираниот Динамо Киев.
Тренерот Чави Хернандез вели дека Барселона има квалитет за да победи на „Алијанц арена“.
„Ние сме Барселона и ќе одиме во Минхен за да победиме. Бевме подобри, но не успеавме да постигнеме гол. Многу важен момент за нас е враќањето на Осман Дембеле. Тој е роден победник, ризикуваше за да му помогне на тимот и покажа дека има неверојатни квалитети. Ќе ни биде од огромна помош во продолжение од сезоната“, изјави тренерот на Барселона.
