Барселона со победа против Висел Кобе ја стартуваше азиската турнеја (ВИДЕО)

Барселона, актуелниот шампион на Шпанија, ја започна азиската турнеја со победа од 3-1 против Висел Кобе.

Тренерот Ханси Флик одлучи да ротира цел состав, давајќи им шанса на две различни постави во двете полувремиња. Своето деби го имаше и Маркус Рашфорд, кој одигра околу 30 минути во вториот дел.

Првиот гол за „каталонците“ го постигна Ерик Гарсија во 33. минута, откако најдобро се снајде во мешаницата пред голот и одблиску ја затресе мрежата.

Пред паузата Висел Кобе израмни на 1-1 преку Мијаширо во 42. минута, по груба грешка на одбраната на Барселона.

Nice introduction, Roony 😜 pic.twitter.com/3aOo2Zvr1F

— FC Barcelona (@FCBarcelona) July 27, 2025

Во 77. минута, Руни Барџи, новата аквизиција во тимот, повторно донесе водство за Барселона по одлична асистенција од Роберт Левандовски, а конечниот резултат го постави 17-годишниот Дро Фернандес во 87. минута.

Следната станица на Барселона е Јужна Кореја, каде тимот ќе одигра пријателски средби против Сеул и Даегу.