Барселона го освои Купот на Шпанија откако во финалето го совлада Атлетик Билбао со 4-0. Тимот на Роналд Куман блескаше во второто полувреме кога ги постигна сите четири гола. Антоан Гризман погоди во 60.минута, три минути подоцна му се придружи и Де Јонг, а потоа следеа и два гола на Лионел Меси.
За 12 минути Барселона ги разреши сите дилеми и доминантно го освои првиот пехар оваа сезона. Тоа е 31. пехар од Копа Дел Реј за Барселона во историјата.
