Барселона потешко од очекувањата дојде до победа (0-1) на гостувањето кај Леганес. Сепак, тимот на Ханси Флик ја оствари целта и стигна до нови три бода, па сега има +7 во однос на Реал Мадрид.
Единствениот гол падна на самиот старт на вториот дел, поточно во 48. минута. По еден центаршут на Рафиња кон Роберт Левандовски, топката во мрежата на сопствениот тим си ја смести дефанзивецот Хорхе Саенц со лизгачки старт, во обид да расчисти.
Во 71. минута Леганес дојде до израмнување, но голот на Дани Раба беше поништен заради офсајд.
