Баерн Минхен го купува Марсел Сабицер од Лајпциг

Германскиот првак Баерн Михен повторно пазари во Лајпциг. Новиот тренер Џулијан Нагелсман одлично ги познава квалитетите на Марсел Сабицер и сака својот поранешен фудблер да го доведе на „Алијанц арена“.

Сабицер влезе во последната година од договорот и сака да ја промени средината, па Лајпциг е подготвен да го продаде. Клубот бара отштета од 20 милиони евра.

Баерн Минхен веќе има подготвено договор до 2026 година за одличниот играч за врска за кого се интересираат и Ливерпул и Милан.