Шпанскиот првак Атлетико Мадрид оствари убедлив триумф (1-4) на гостувањето кај Кадиз. Тимот на Диего Симеоне се мачеше едно полувреме, но откако Томас Лемар во 56.минута го постигна водечкиот погодок, тргна канонадата кон домашниот гол.
Антоан Гризман зголеми на 0-2, а Анхел Кореа беше стрелец на третиот гол. Кадиз постигна почесен погодок преку Ентони Лозано, а точка на триумфот на Атлетико Мадрид стави Матеус Куња.
Атлетико Мадрид сега се проби на втората позиција на табелата со 29 бода, еден помалку од Реал Мадрид, но и еден одигран меч повеќе од „кралевите“.
