Атлетико Мадрид едвај го скрши отпорот на Осасуна (ВИДЕО)

Атлетико Мадрид со многу мака стигна до нова победа во Ла Лига совладувајќи ја Осасуна со 1-0 на „Ванда Метрополитано“. Тимот на Диего Симеоне долг период не успеваше да го пробие бедемот пред голот на гостите, а тоа конечно му успеа на дефанзивецот Фелипе во 87.минута од средбата.

Атлетико Мадрид сега има 26 бода, два помалку од Севилја и од Реал Сосиедад, кои се на водечките две позиции на табелата.