Арсенал официјално го објави ангажманот на 21-годишниот централен дефанзивец Кристијан Москера од Валенсија.
Младиот стопер, кој има 90 настапи за првиот тим на „лилјаците“, ќе го носи дресот со број „3“ во новиот клуб и веќе се приклучи на тимот за претсезонската турнеја во Азија.
Москера се приклучил на академијата на Валенсија на 12-годишна возраст и минал низ сите младински категории, пред да дебитира за сениорскиот тим во натпревар од Купот на Кралот во јануари 2022 година, кога имаше само 17 години. Неколку дена подоцна дебитирал и во Ла Лига во ремито 1-1 против Севилја на „Месталја“.
Во сезоната 2023/24, Москера официјално беше промовиран во првиот тим на Валенсија и се етаблира како клучен играч во одбраната. Почна како стартер на 37 од 38 натпревари во Ла Лига и ги одигра сите минути од тие натпревари.
Роден во Шпанија, но со колумбиско потекло, Москера има 34 настапи за младите селекции на Шпанија. Тој беше и дел од репрезентацијата која го освои златниот медал на Олимписките игри во Париз во 2024 година.
