Игор Ангеловски, кој се уште е актуелен селектор на Македонија, а ќе замине од функцијата на крајот на овој месец, доби плакета за заслуги од првиот човек на Бирото за јавна безбедност, Сашо Тасевски. Полицијата не го заборави успехот што го направи Ангеловски со пласманот на фудбалската репрезентација на Македонија на Европското првенство. Тоа е историски најголем резултат во историјата на македонскиот фудбал.
Сашо Тасевски му предаде плакета на предводникот на фудбалскиот национален тим за партнерството и успешна реализација на целите од заеднички интерес на БЈБ и Фудбалската федерација на Македонија.
