Италијанскиот стратег Масимилијано Алегри (53) е изборот на Флорентино Перез за клупата на Реал Мадрид по заминувањето на Зинедин Зидан, пишува шпанскиот „АС“. Се очекува овие денови да биде постигнат и конечен договор.
Зидан одлучи го напушти клубот и тоа го објави синоќа, а раководството на „кралскиот клуб“ беше подготвено за ваквата ситуација и веќе имаше остварено контакти со Алегри кој го чекаше развојот на ситуацијата.
Шпанците пишуваат дека ставот на Алегри бил примерен бидејќи тој ризикувал бројни можности за продолжување на кариерата додека чекал повик од Мадрид. Со своето однесување ги воодушевил челниците на шпанскиот гигант.
Алегри во Реал Мадрид сака да направи непречена транзиција на фудбалерите во тимот, што всушност е планот и на клубот. Тој нема да пристигне со голем тим на соработници, како Анчелоти кој донесе 15 негови луѓе. Алегри ќе донесе тројца или четворица блиски соработници од Италија.
Единствен конкурент во трката за Алегри е Јувентус, но Италијанецот има огромна желба да седне на клупата на „кралевите“.
