Серху Гираси би можел ова лето да ја напушти Борусија Дортмунд, а сериозен интерес за неговите услуги покажува Милан. Сепак, пречка во преговорите е високата отштета што ја бара германскиот клуб – дури 70 милиони евра.
По разочарувачката сезона, „росонерите“ започнуваат голема реконструкција на тимот со јасна цел – враќање во борбата за врвот во Серија А и сигурен пласман во Лигата на шампионите. Лука Јовиќ е на излезна врата и најверојатно ќе се пресели во Круз Азул, а Теми Абрахам се враќа во Рома по позајмицата.
Новиот тренер Масимилијано Алегри бара моќен напаѓач во нападот, и покрај тоа што клубот веќе во јануари го доведе Сантијаго Хименез. Гираси се вклопува совршено во неговите планови.
Според „Кориере дело Спорт“, Гвинејецот е приоритетна цел, но Борусија Дортмунд нема намера лесно да попушти. Потсетување, Гираси минатото лето прејде во Дортмунд од Штутгарт за 18 милиони евра, а за само една сезона постигна импресивни 35 голови и девет асистенции на 48 натпревари, вклучувајќи и 13 голови во 14 настапи во Лигата на шампионите.
