Манчестер Сити загуби од Челси (1-2), а речиси сигурно тоа немаше да се случи ако Серхио Агуеро во последните мигови од првото полувреме постигнеше гол од пенал за водство од 2-0. Претходно, Рахим Стерлинг постигна водечки гол за „граѓаните“.
Но, Агуеро се реши да го изведе пеналот со „паненка“ и се посрамоти. Сепак, им се извини на соиграчите и на навивачите.
„Сакам да им се извинам на соиграчите, тренерскиот тим и на навивачите за промашениот пенал. Беше тоа моја погрешна одлука и ја преземам одговорноста“, истакна Серхио Агуеро.
