Поранешниот фудбалер на Интер, Адријано не можеше, а да не заплаче, откако дозна дека стана дел од познатиот “Булевар на славните на Маракана”. Стапалките на 39-годишникот ќе бидат отпечатени на плочата што треба да се постави надвор од историскиот стадион.
Адријано сподели неколку фотографии на Инстаграм, со натпис: “Моментот кога ја добив веста за тоа дека моите стапалки ќе бидат поставени кај ‘Маракана’. Ви благодарам за сè”.
Ова е неверојатно достигнување бидејќи тој ќе се приклучи на бразилскиот “Дом на славните”, каде исто така се и Роналдињо, Пеле, Ромарио, Зико и Гаринча.
