Адеми, Ристовски и Барди ја напаѓаат Лигата на шампионите

Почнува разврската за влез во групите од Лигата на шампионите, а таму вечерва ќе има и тројца македонски актери. Аријан Адеми и Стефан Ристовски со Динамо Загреб гостуваат во Норвешка, каде хрватскиот првак ќе ги одмери силите со Бодо/Глимт, а Енис Барди со Трабзонспор ќе биде гостин во Данска.

„Сите добро знаеме што носи овој двомеч со Бодо/Глимт. Вечерва не очекува важен натпревар, но овој Динамо Загреб заслужува да биде дел од групната фаза во Лигата на шампионите. Нашиот клуб има големи цели и уверен сум дека можеме да ги оствариме“, изјави Стефан Ристовски во пресрет на вечерашниот меч на Динамо во Норвешка.

Енис Барди пред неколку дена направи трансфер од Леванте во Трабзонспор и со турскиот првак отпатува на дуелот против данскиот Копенхаген. Тој го очекува дебито во својот нов тим, што можеби ќе се случи веќе на важната пресметка против Копанхаген.