Тиквеш и Воска Спорт првпат во историјата ќе играат во финалето на Купот на Македонија

Воска Спорт за првпат ќе игра во финалето на Купот на Македонија, откако го елиминира актуелниот освојувач Македонија ЃП. Тиквеш ќе биде нивниот ривал во финалната пресметка, откако на пенали успеа да го елиминира Шкупи (5-3) на мечот во Кавадарци. И двете екипи првпат во историјата ќе играат во финалето на национачниот Куп.

По триумфот од 2-0 на домашен терен во Охрид, тимот на Воска денеска загуби со 2-1 во Ѓорче Петров, па со вкупен резултат од 3-2 обезбеди пласман во битката за трофејот.

Џемил Јахији во 13.минута донесе предност за Воска, а брзо израмни Самир Фазли со погодокот во 25.минута. Крсте Велкоски во 64.минута се погрижи за пресврт, но на „лавовите’ им недостигаше уште еден гол за да ја анулираат негативата.

Тиквеш и Шкупи повторно ремизираа без голови и во Кавадарци, па преку пенали се решаваше патникот во финалето. На крајот подобри изведувачи на ударите од 11 метри беа фудбалерите на Тиквеш, кои славеа со 5-3.

Клучна беше првата серија кога голманот Ренер го одбрани ударот на Дарко Илиески.