Андриј Шевченко беше гостин на ФФМ (ФОТО)

Претседателот на Фудбалската федерација на Македонија, Муамед Сејдини, денеска му беше домаќин на Андриј Шевченко.

Поранешниот славен фудбалер и актуелен претседател на Фудбалската федерација на Украина ги следи натпреварите од Елитната фаза квалификации за пласман на ЕП до 19 години.

„Андриј е наш драг гостин. Заедно споделуваме искуства и на чести состаноци во УЕФА. Се заблагодари на гостопримството и на добрата организација на турнирот.

Посакував престојот во Скопје да не мине резултатски позитивно за него, барем на првиот ден од натпреварите, но денешниот фудбал не простува грешки, а ние денеска наивно загубивме од Украина.

Остануваме позитивни за преостанатите два меча од групата”, изјави Муамед Сејдини.