ЖФК Љуботен доби дозвола да игра на Градскиот стадион во Тетово

Женскиот фудбалски прволигаш ЖФК Љуботен доби дозвола да игра на Градскиот стадион во Тетово. Клубот се пофали со новата одлука и ги повика навивачите да го бодрат тимот на следниот натпревар против Тиверија.

„Тоа што пред неколку недели го ветија раководните луѓе на Градскиот стадион во Тетово тоа и го исполнија, дерби натпреварите од првата женска фудбалска лига ЖФК Љуботен да ги игра на Градскиот Стадион во Тетово!

Па така дерби натпреварот од 10тото коло помеѓу екипите на ЖФК Љуботен и ЖФК Тиверија ќе се одигра во сабота 04.11.2023год. со почеток во 13:00часот на Градскиот стадион во Тетово!

Повик до сите вљубеници во спортот посебно во фудбалот во што поголем број да го проследиме овој дерби дуел и заедно да го бодриме ЖФК Љуботен до нова победа!“, се вели во соопштението на ЖФК Љуботен.