Милан беше фаворит, но одигра само 2-2 против Сасуоло во натпреварот од 15. коло на италијанската Серија А.
Гостите поведоа уште во 13. минута со голот на Исмаел Коне, но „росонерите“ израмнија пред крајот на првото полувреме преку Давиде Бартезаги, кој го постави резултатот на пауза (1-1).
Во второто полувреме Милан добро започна, Бартезаги постигна уште еден гол по само две минути игра, а потоа тимот имаше и два брзо поништени гола. Се чинеше дека „росонерите“ се на пат кон нова победа, но Сасуоло не се предаде и приреди нов шок за домашните навивачи.
Гостите израмнија на 2-2 во 77. минута преку Французинот Арманд Лауриен, кој го постави конечниот резултат. За Милан ова е петто реми сезонава и останува на врвот на табелата, додека Сасуоло е на деветтото место со 21 освоен бод.
