Александар Трајковски ќе го засили Хајдук Сплит?

Македонскиот репрезентативец Александар Трајковски ќе биде ново засилување за хрватскиот клуб Хајдук Сплит, тврди “Калчо Меркато”. Во трката бил и Динамо Загреб, но Трајковски ќе замине кај сплитските “били” и ќе биде голем ривал на Аријан Адеми и на Стефан Ристовски во битката за титулата во Хрватска.

Трајковски утре треба да замине на лекарски прегледи, а потоа и да стави потпис на договорот со Хајдук. Тој доаѓа како слободен агент откако му истече договорот со Ал-Фејха од Саудиска Арабија.