Лионел Меси го имаше своето долгоочекувано деби во американската МЛС лига и му помогна на Интер Мајами да победи со 2-0 против Њујорк Ред Булс. Аргентинецот го започна натпреварот од клупата за резерви, влегувајќи во игра во 60. минута на местото на Леонардо Кампања.
Натпреварот мина според планот за тимот на Дејвид Бекам. Диего Гомез го отвори резултатот во 37. минута, а Лионел Меси го потврди триумфот во 89. минута.
Следниот натпревар за Меси и друштвото е повторно во МЛС лигата, на домашен терен против Нешвил.
