Расмус Хојлунд, 20-годишниот дански напаѓач од италијанскиот калчолигаш Аталанта е главната желба на Манчестер Јунајтед во овој преоден рок. Англичаните сега испратија понуда од 62 милиони евра која може да се зголеми со можни бонуси, но Италијанците бараат 70 милиони евра.
Менаџерот на „ѓаволите“, Ерик Тен Хаг, сака да го има Хојлунд во тимот што е можно побрзо за да го воигра со останатите фудбалери пред почетокот на сезоната во Премиер – лигата.
Сепак, засега преговорите не го даваат конечниот ефект. Во трката за Хојлунд е и францускиот првак Пари Сен Жермен.
