Македонскиот национален тим го одржа првиот тренинг во пресрет на претстојните два квалификациски натпревари, против Словенија в четврток во Скопје и три дена подоцна против Полска во Варшава. Голманот Столе Димитриевски верува дека Македонија може да стигне до триумф на важниот дуел против Словенците в четврток, на арената „Тодор Проески“.
„Посакуваме триумф против Словенците. Тоа ни е директниот ривал во трката за пласман на ЕП 2020 преку групата. Подготвени сме за предизвикот, имаме шанси како и сите останати селекции. Веруваме во триумф, бевме потполно рамноправни со Словенците и во Љубљана“, изјави голманот Столе Димитриевски.
